පාර්ලිමේන්තු මන්ත්‍රී ධුරයෙන්ද ඉල්ලා අස්වන්නැයි හිටපු අගමැති ස්කොට් මොරිසන්ට එල්ලවන බලපෑම තවදුරටත් ඉහළගොස් තිබෙනවා.
ඒ කොවිඩ් වසංගත සමයේ රහසිගතව අමාත්‍ය ධුර 05 ක දිවුරුම් දීමෙන් අමාත්‍ය මණ්ඩලයේ සහ ජනතාවගේ විශ්වාසය කඩ කර ඇති බවට චෝදනා එල්ලවීමත් සමගයි.
පැවති ලිබරල් සන්ධාන රජයේ හිටපු ස්වදේශ ඇමතිනි කැරන් ඇන්ඩෲස් අවධාරණය කරන්නේ හිටපු අගමැතිවරයා විශ්වාසය කඩ කර ඇති බැවින් මන්ත්‍රී ධුරය වහා අත්හැරිය යුතු බවයි.
කෙසේවෙතත් හිටපු අගමැති ජෝන් හොවාර්ඩ් අවධාරණය කරන්නේ ස්කොට් මොරිසන් මන්ත්‍රී ධුරයෙන් ඉල්ලා අස්වීමේ කිසිදු අවශ්‍යතාවයක් පැණ නොනගින බවයි.
වසංගතය පාලනය කිරීමට අමතර බලතල අවශ්‍ය බැවින් තමා අමාත්‍ය ධුර කිහිපයක දිවුරුම් දුන් බවයි හිටපු අගමැති ස්කොට් මොරිසන් සඳහන් කලේ.
