ඔස්ටේ්‍රලියාවේ උසස්ම විශ්ව විද්‍යාලයක් වන Deakin විශ්ව විද්‍යාලයේ රසායන විද්‍යාව සඳහා පිරිනැමෙන ඉහළම සම්මානය හිමි කරගැනීමට ලාංකික සිසුවියක වන භාග්‍යා ධර්මසිරි සමත්වී තිබෙනවා.
ඇය විසින් සිය ආචාර්ය උපාධිය සඳහා ඉදිරිපත් කල අධ්‍යයනය වෙනුවෙනුයි මෙම ඉහළම ඇගයීමට ලක්වී ඇත්තේ.
විද්‍යුත් වාහනවල බලශක්තිය සංරක්ෂණයට අදාළ සංකල්පයක් භාග්‍යා ධර්මසිරි විසින් ඉදිරිපත් කර තිබුණා.
තමන්ට ලැබුණු ත්‍යාගයෙන් ඩොලර් 1800 ක මුදලක් ශ්‍රී ලංකාවේ අධ්‍යාපනය හදාරන සිසුවියන් දෙදෙනෙකුගේ අධ්‍යාපනය වෙනුවෙන් යොදවන බවද ඇය විසින් ප්‍රකාශ කර තිබෙනවා.
එමෙන්ම තමන් ඉගෙනගත් දැනුම අවශ්‍ය ඕනෑම අයෙකුට ලබාදීමට සූදානම් බවයි භාග්‍යා ධර්මසිරි කියාසිටියේ.
