ගෝඨා එන්න අවසර ඉල්ලුවා – තායි රජය කියයි

හිටපු ජනාධිපති ගෝඨාභය රාජපක්ෂ මහතාට තායිලන්තයට ඇතුලුවීමට අවසර දෙන ලෙස ශ්‍රී ලංකා රජයෙන් ඉල්ලීමක් ලැබී ඇතැයි එරට විදේශ කටයුතු අමාත්‍යංශය තහවුරු කරනවා.

දෙරට අතර දීර්ඝ කාලීන සබඳතා සැළකිල්ලට ගෙන එය සළකා බලන බවයි තායි විදේශ අමාත්‍යංශයේ ප්‍රකාශකවරයා නිකුත් කර ඇති ට්විටර් සටහනක දැක්වෙන්නේ.

රාජ්‍ය තාන්ත්‍රික බලපත්‍රයක් ඇති බැවින් හිටපු ජනාධිපතිවරයාට වීසා රහිතව දින 90 ක කාලයක් තායිලන්තයේ රැඳී සිටීමට, 2013 වසරේදී ශ්‍රී ලංකාව සහ තායිලන්තය අතර ඇතිකරගත් එකගතා ගිවිසුමකට අනුව අවසර හිමිවන බවද විදේශ අමාත්‍යංශ ප්‍රකාශකයා පෙන්වා දෙනවා.

හිටපු ජනාධිපතිවරයාගෙන් මේ දක්වා කිසිදු දේශපාලන රැකවරණ පතා ඉල්ලීමක් ලැබී නොමැති බවද ඔහු වැඩිදුරටත් සඳහන් කලා.

ගෝඨාභය රාජපක්ෂ මහතා හෙට දිනයේදී සිංගප්පූරුවේ සිට තායිලන්තය බලා පිටත්ව යාමට නියමිත බව රොයිටර් පුවත් සේවය වාර්තා කරනවා.

ඔහු එහිදී තාවකාලික රැකවරණයක් අපේක්ෂා කරනු ඇති බවයි එම වාර්තාවල දැක්වෙන්නේ.

හිටපු ජනාධිපතිවරයා මාලදිවයිනේ සිට සිංගප්පූරුව බලා පිටත්ව ගියේ පසුගිය මස 14 වනදායි.

අනතුරුව ඔහුට තවත් දින 14 ක කාලයක් එරට රැඳී සිටීමටද සිංගප්පූරු බළධාරීන් අවසර දී තිබුණා.

පසුගිය දිනක විදෙස් මාධ්‍ය ආයතනයක් සමග පැවති සාකච්ඡාවකදී ජනාධිපති රනිල් වික්‍රමසිංහ පවසා තිබුණේ ගෝඨාභය රාජපක්ෂ මහතාට තවමත් ශ්‍රී ලංකාවට පැමි”මට කාලය උදා වී නොමැති බවයි.

ඔස්ට්‍රේලියා වීසා හිමියන්ට ස්වදේශ කටයුතු දෙපාර්තමේන්තුවෙන් දැනුම්දීමක්

ලබන 30 වනදායින් වීසා කාලය අවසන් වන සංක්‍රමණිකයන්ට ඔස්ට්‍රේලියානු ස්වදේශ කටයුතු දෙපාර්තමේන්තුව දැනුම්දීමක් සිදු කර තිබෙනවා.

Read More »

ඩේවිඩ් වෝනර් ජාත්‍යන්තර ක්‍රිකට් පිටියෙන් සමුගනී

ඔස්ට්‍රේලියානු කණ්ඩායමේ ආරම්භක පිතිකරුවෙකු වන සුපිරි ක්‍රීඩක ඩේව්ඩ් වෝනර් ජාත්‍යන්තර ක්‍රිකට් පිටියට සමුදීමට තීරණය කර තිබෙනවා.

Read More »

ඔස්ට්‍රේලියාවේ e-දුම්වැටි නීතිවල මතබේධාත්මක වෙනසක්

ඔස්ට්‍රේලියාවේ ඉලෙක්ට්‍රොනික දුම්වැටි සම්බන්ධයෙන් පවතින නීතිවල වෙනස්කම් කිහිපයක් අදියර දෙකක් යටතේ සිදු කිරීමට සැලසුම් කර තිබෙනවා.

Read More »