අර්ජුණට අලුත් පුටුවක්

හිටපු පාර්ලිමේන්තු මන්ත්‍රී සහ ශ්‍රී ලංකා ක්‍රිකට් කණ්ඩායමේ හිටපු නායක අර්ජුන රණතුංග ජාතික ක්‍රීඩා කවුන්සිලයේ සභාපති ධුරයට පත්කර තිබේ.

ක්‍රීඩා අමාත්‍ය රොෂාන් රණසිංහ විසින් මෙම පත් කිරීම සිදු කර ඇත.

මෙම කවුන්සිලය සාමාජිකයන් පහළොස් දෙනෙකුගෙන් සමන්විත වන අතර අර්ජුන රණතුංගගේ සභාපතිත්වයෙන් යුතුව ඉදිරියට ක්‍රියාත්මක වනු ඇත.

හිටපු අමාත්‍යවරයකු ද වන අර්ජුන රණතුංග මීට පෙර ශ්‍රී ලංකා ක්‍රිකට් ආයතනයේ අතුරු කමිටු සභාපතිවරයා ලෙස කටයුතු කළ අතර, ක්‍රීඩා අමාත්‍යාංශයේ ඉහළ තනතුරකට පත්වන ප්‍රථම අවස්ථාව මෙය වේ.

නව ක්‍රීඩා සභාවේ සාමාජිකයන් ලෙස ත්‍රිවිධ හමුදාපතිවරුන් වන යුද හමුදාපති ලුතිනන් ජෙනරාල් විකුම් ලියනගේ, ගුවන් හමුදාපති එයාර් මාෂල් සුදර්ශන පතිරණ සහ නාවික හමුදාපති වයිස් අද්මිරාල් නිශාන්ත උළුගේතැන්න ද ඇතුළත් වන බව ක්‍රීඩා අමාත්‍යාංශ ආරංචි මාර්ග සඳහන් කළේය.

මීට අමතරව මෙරට බිහි වූ විශිෂ්ට මලල ක්‍රීඩිකාවන් වන සුසන්තිකා ජයසිංහ සහ ශ්‍රියානි කුලවංශ ඇතුළු ප්‍රවීණ වෘත්තිකයන් රැසක් සිටින බව වාර්තා වේ.‍

මීට පෙර ජාතික ක්‍රීඩා සභාවේ සභාපතිවරයා ලෙස හිටපු ක්‍රිකට් නායක මහේල ජයවර්ධන කටයුතු කළ අතර, හිටපු ක්‍රිකට් නායකයකු වන කුමාර් සංගක්කාර, ජුලියන් බෝලිං, ඩිලන්ත මාලගමුව ඇතුළු ප්‍රකට පුද්ගලයන් රැසක් කමිටු සාමාජිකයන් ලෙස කටයුතු කළහ.

සිඩ්නි ත්‍රස්ත මර්දන වැටලීමකින් බාල වයස්කරුවන් පිරිසක් අත්අඩංගුවට

සිඩ්නි සහ ගෝල්බර්න් හි සිදු කළ ත්‍රස්ත මර්දන වැටලීම්වලින් බාල වයස්කරුවන් පස් දෙනෙකු අත්අඩංගුවට ගෙන තිබෙනවා.

Read More »

මෙල්බන් කාන්තාවන්ගේ ආත්මාරක්ෂාවට ෆෙඩරල් රජයෙන් ඉල්ලීමක්

වික්ටෝරියා ප්‍රාන්තයේ කාන්තාවන්ට ආරක්ෂාව සඳහා ගම්මිරිස් ඉසින රැගෙන යාමට අවසර ලබා දෙන ලෙස ඉල්ලා ෆෙඩරල් රජයට ලැබෙන ඇමතුම් වැඩි වී තිබෙනවා.

Read More »

යුද විරුවන් සමරන ANZAC දිනය වෙනුවෙන් සැමරුම් වැඩසටහන් රැසක්

දෙවන ලෝක යුද සමයේදී සහ අනෙකුත් යුද ගැටුම්වලදී මියගිය ඔස්ට්‍රේලියා සහ නවසීලන්ත රණවිරුවන් සමරන ඇන්සක් (ANZAC) දිනය අදට යෙදී තිබෙනවා.

Read More »