හිටපු ජනාධිපති ගෝඨාභය රාජපක්ෂ හෙට දිනයේදී සිංගප්පූරුවේ සිට තායිලන්තය බලා පිටත්ව යාමට නියමිත බව රොයිටර් පුවත් සේවය වාර්තා කරනවා.
ඔහු එහිදී තාවකාලික රැකවරණයක් අපේක්ෂා කරනු ඇති බවයි එම වාර්තාවල දැක්වෙන්නේ.
හිටපු ජනාධිපතිවරයා මාලදිවයිනේ සිට සිංගප්පූරුව බලා පිටත්ව ගියේ පසුගිය මස 14 වනදායි.
අනතුරුව ඔහුට තවත් දින 14 ක කාලයක් එරට රැඳී සිටීමටද සිංගප්පූරු බළධාරීන් අවසර දී තිබුණා.
හෙට දිනයේදී තායිලන්තයට පැමිණිමේ සුදානම සම්බන්ධයෙන් රොයිටර් පුවත් සේවය විසින් තායි විදේශ අමාත්‍යංශයෙන් විමසා ඇතත් ඔවුන් ඊට ප්‍රතිචාර දක්වා නැහැ.
පසුගිය දිනක විදෙස් මාධ්‍ය ආයතනයක් සමග පැවති සාකච්ඡාවකදී ජනාධිපති රනිල් වික්‍රමසිංහ පවසා තිබුණේ ගෝඨාභය රාජපක්ෂ මහතාට තවමත් ශ්‍රී ලංකාවට පැමිණීමට කාලය උදා වී නොමැති බවයි.
