නවවැනි පාර්ලිමේන්තුවේ 03 වැනි සභාවාරය ජනාධිපති රනිල් වික්රමසිංහගේ ප්රධානත්වයෙන් අද උත්සවාකාරයෙන් විවෘත කෙරෙනවා.
ආණ්ඩුක්රම ව්යවස්ථාවේ 33 ව්යවස්ථාව ප්රකාරව ලැබී ඇති බලතල අනුවයි ජනාධිපතිවරයා විසින් අද පෙරවරු 10.30 ට පාර්ලිමේන්තුවේදී ආණ්ඩුවේ ප්රතිපත්ති ප්රකාශය ඉදිරිපත් කිරීමට නියමිතව ඇත්තේ.
චාම් උත්සවයක් පැවැත්වෙන අතර ආචාර වෙඩි මුර සහ රථ පෙළපාලි නොපැවැත්වෙන බව පාර්ලිමේන්තුවේ වේත්රධාරී නරේන්ද්ර ප්රනාන්දු සඳහන් කලා.
ත්රිවිධ හමුදා ජනාධිපති උත්තමාචාරය පිරිනැමීමෙන් අනතුරුව වේත්රධාරි, නියෝජ්ය වේත්රධාරි සහ සහකාර වේත්රධාරි පෙරටු කරගත් කථානායකවරයා සහ පාර්ලිමේන්තුවේ මහ ලේකම්වරයා විසින් ජනාධිපතිවරයා පාර්ලිමේන්තු මන්දිරය වෙත කැදවා ගෙන යනු ලබනවා.
මෙවර ජනාධිපතිවරයාගේ අසුනේ ජනාධිපතිවරයාගේ නිල ලාංඡනය වෙනුවට රාජ්ය ලාංඡනය සවිකර තිබීම විශේෂත්වයක්.