ලංකාවට වැඩියෙන් සල්ලි එව්වොත් වැඩියෙන් ලැබෙන duty free පහසුකම් මෙන්න

විදෙස් ගත ශ්‍රමිකයින් ට හිමිවන තීරු බදු සහනය ඉහළ දැමීමට කැබිනට් මණ්ඩල අනුමැතිය හිමිව තිබේ.

රට තුළ පවතින විදේශ විනිමය අර්බුදයට පිළියමක් වශයෙන් විගමනික ශ්‍රමිකයින් විසින් මෙරටට සිදුකරනු ලබන ප්‍රේෂණයන් වැඩිකිරීම සඳහා මෙම දිරි ගැන්වීම සිදුකර ඇත.

ඒ අනුව විදෙස්ගත ශ්‍රමිකයින් මෙරටට පැමිණීමේ දී අතිරේක තීරු බදු සහන දීමනාවක් ලබාදීමට හා විදුලියෙන් ක්‍රියාකරනු ලබන වාහනයක් මිල දී ගැනීම සඳහා එකී විගමනික ශ්‍රමිකයින්ට පහසුකම් සැලසීමට එලෙස කැබිනට් මණ්ඩල අනුමැතිය හිමිව තිබේ.

මෙතෙක් පැවති ක්‍රමය අනුව දවස් 90ට අඩු කාලයක් විදෙස් ගත වී මෙරටට පැමිණීමේ දී එම පුද්ගලයාට තීරු බදු සහනය ලෙස ඩොලර් 187ක සහනයක් හිමිවේ.

එමෙන්ම දින 90ත් 365ත් අතර කාලයක් විදෙස් ගතව සිට පැමිණෙන අයෙකුට ඩොලර් 625ක තීරු බදු සහනයක් ද වසරකට වඩා වැඩි කාලයකට පසුව මෙරටට පැමිණෙව පුද්ගලයින්ට ඩොලර් 1750ක තීරු බදු සහනයක් ද හිමි වේ.

කැබිනට් මණ්ඩල අනුමැතිය ලැබීමෙන් පසුව වසරක කාලයක් තුළ දී මෙරටට ඩොලර් 2,400ක් පිළිගත් බැංකුවක් හරහා එවා ඇත්නම් එම තැනැත්තා “සිල්වර්” කාණ්ඩයට අයත් වේ.

එහිදී දින 90ට අඩු කාලයක් සඳහා ඩොලර් 787ක තීරු බදු සහනයක් ද, දින 90 සිට දින 365ක් දක්වා ඩොලර් 1,252ක් ද වසරකට වැඩි කාලයක් සඳහා ඩොලර් 2,350ක තීරු බදු සහනය වැඩිකර තිබේ.

එමෙන්ම වසරක කාලයක් සඳහා ඩොලර් 4,800ක මුදලක් මෙරටට එවා ඇත්නම් එවැනි පුද්ගලයින් සඳහා දින 90ට අඩු අයට ඩොලර් 1,175ක තීරු බදු සහනයක ද, දින 90ක් හා දින 365ක් අතර නම් ඩොලර් 1,585ක සහනයක් හා දින 365කට වැඩි නම් ඩොලර් 2,710ක තීරු බදු සහනයක් හිමිවේ.

වසරකට ඩොලර් 7,200ක් මෙරටට එවා ඇති පුද්ගලයින් “ගෝල්ඩ්” කාණ්ඩයට අයත් වන අතර, දින 90ක කාලයක් සඳහා ඩොල් 1,627ක තීරු බදු සහනයක් ද, දින 90 සිට දින 365ක් දක්වා ඩොලර් 2,650 ක සහනයක් හා දින 365 ට වැඩි නම් ඩොලර් 3,190ක සහනයක් හිමිව තිබේ.

එමෙන්ම වසරකට ඩොලර් 12,000ක් එවා ඇති පුද්ගලයින් “ගෝල්ඩ් ප්ලස්”කාණ්ඩයට අයත් යන අතර දින 90ක් සඳහා ඩොලර් 2,587ක තීරු බදු සහනයක්ද, දින 90 සිට දින 365 දක්වා ඩොලර් 3,025ක තීරු බදු සහනයක් ද දින 365ට වැඩි නම් ඩොලර් 4,150ක තීරු බදු සහනයක් ද හිමි වේ.

වසරකට ඩොලර් 24,000ක මුදලක් මෙරට පිළිගත් බැංකුවක් හරහා මෙරටට එවා ඇත්තනම් එවැනි පුද්ගලයින් හට දින 90ක් සඳහා ඩොලර් 4,685ක තීරු බදු සහනයක් ද, දින 90 සිට දින 365 දක්වා ඩොලර් 5,425ක තීරු බදු සහනයක් හා දින 365ට වැඩි නම් ඩොලර් 6,550ක තීරු බදු සහනයක් ද හිමිවේ.

ඖෂධ වර්ග කිහිපයක් ගැන ෆෙඩරල් රජයෙන් සීමාවක්

බර අඩු කර ගැනීම සඳහා භාවිත කරනු ලබන Ozempic වැනි දියවැඩියා ඖෂධවලට සමාන ඖෂධ නිෂ්පාදනය කිරීම ඖෂධවේදීන්ට තහනම් කරන බව ෆෙඩරල් රජය අද නිවේදනය කර තිබෙනවා.

Read More »

අද (22) මෙල්බන්හි රිය අනතුරකින් මියගිය පුද්ගලයෙක් ගැන පොලිසිය තොරතුරු සොයයි

මෙල්බන් හි සවුත් මොරන්ග් ප්‍රදේශයේ අද උදෑසන සිදුවූ මෝටර් රථ අනතුරකින් පුද්ගලයෙකු මිය ගොස් තවත් අයෙක් තුවාල ලබා තිබෙනවා.

Read More »

මගියෙකු මිය යාම ගැන සිංගප්පූරු ගුවන් සේවය සමාව ඉල්ලයි

ලන්ඩනයේ සිට සිංගප්පූරුව බලා පියාසර කරමින් තිබූ ගුවන්යානයක් ගුවනේදී අනතුරට ලක්වී පුද්ගලයෙකු මියයෑම සම්බම්ධයෙන් සිංගප්පූරු ගුවන් සේවයේ ප්‍රධාන විධායක නිලධාරී Goh Choon Phong විසින් ප්‍රසිද්ධියේ සමාව අයැද තිබෙනවා.

Read More »

වික්ටෝරියා ප්‍රාන්තයේ ගොවිපළකින් කුරුළු උණ හඳුනා ගැනේ

සිදු කළ මූලික පරීක්ෂණවලින් මෙම තොරතුරු හෙළි වූ අතර වැඩිදුර පරීක්ෂණ සඳහා සත්ව සාම්පල ජිලොන්ග් හි පිහිටි ඔස්ට්‍රේලියා රෝග  අවදානම් පරීක්ෂණ මධ්‍යස්ථානය වෙත යොමු කර ඇතැයි සඳහන්.

Read More »