ගව මුඛ සහ කුර රෝගය වළක්වා ගැනීම සඳහා වික්ටෝරියා ප්‍රාන්තයේ සත්වෝද්‍යාන සඳහා නව රෙගුලාසි පණවා තිබෙනවා.
ඒ අනුව ඇතැම් සත්වයන් අසලටම ගොස් නැරඹීමට මින් ඉදිරියට අවස්ථාව හිමිවන්නේ නැහැ.
මෑතකදී ඉන්දුනීසියාවේ සංචාරය කර පැමිණි පුද්ගලයන්ටද සත්වෝද්‍යාන වෙත හැකිතාක් පැමිණිමෙන් වළකින ලෙස උපදෙස් දී තිබෙනවා.
වික්ටෝරියා ප්‍රාන්තයේ ඇති සත්වෝද්‍යාන 03 සඳහාම බලාත්මක මෙම නව නියමන් දක්වමින් Zoos Victoria විසින් ලක්ෂ 03 ක පමණ පිරිසකට ඊ-මේල් පණිවිඩයක්ද යොමුකර තිබෙනවා.
මෙල්බන් සත්වෝද්‍යානයේ කොටසක් වසා දැමීමටද පියවර ගෙන ඇති බවයි එහි තවදුරටත් සඳහන් වන්නේ.
