වඳුරු උණ වෛරසය ගෝලීය සෞඛ්‍ය හදිසි අවස්ථාවක් ලෙස ලෝක සෞඛ්‍ය සංවිධානය විසින් ප්‍රකාශයට පත් කර තිබෙනවා.
ඒ, ලෝක සෞඛ්‍ය සංවිධානයේ වෛරස් පිළිබඳ හදිසි කමිටුව රැස්වී ගත් තීරණයකට අනුවයි.
කිසියම් රෝගයක් සම්බන්ධයෙන් ලෝක සෞඛ්‍ය සංවිධානය විසින් පණවන ලද ඉහළම අනතුරු ඇගවීම මෙයයි.
මේ වන විට ලෝකයේ රටවල් 75 කින් වෛරසය ආසාදනය වූ රෝගීන් 16,000 ක් හමුවී ඇති බවයි ලෝක සෞඛ්‍ය සංවිධානයේ ප්‍රධානී ටෙඩේරෝස් ඇඩ්නම් සඳහන් කළේ.
ලොව පුරා වාර්තාවී ඇති මරණ සංඛ්‍යාව, 5 ක්.
මන්කිපොක්ස් වෛරසය 1970 දශකයේදී ලොව පළමු වරට හඳුනාගන්නේ කොංගෝ රාජ්‍යයෙනුයි.
අනතුරුව අප්‍රිකානු රටවල් 11 කින් ආසාදිතයින් හඳුනා ගැණුනා.
සෞඛ්‍ය විශේෂඥයින් පවසන්නේ මන්කිපොක්ස් ආසාදිතයින්ගෙන් උණ ඇතුළුව පැපොල රෝගයට සමාන රෝග ලක්ෂණ පෙන්නුම් කරන බවයි.
