මැයි මාසයේදී ඔස්ටේ්‍රලියාවට පැමිණි සහ පිටත්ව ගිය ගුවන් මගීන් සංඛ්‍යාව මාර්තු මාසයට සාපේක්ෂව දෙගුණයකින් ඉහළ ගොස් තිබෙනවා.
මාර්තු මාසයේදී පුද්ගලයන් 374,630 ක් රටට පැමිණ තිබූ අතර 335,240 ක් රටින් පිටත්ව ගොස් තිබුණා.
මැයි මාසයේදී 651,060 ක් රටට පැමිණ ඇති අතර 663,970 ක් රටින් බැහැර ගොස් ඇති බවයි සංඛ්‍යාලේඛණ කාර්යාංශ වාර්තාවල දැක්වෙන්නේ.
කොවිඩ් තත්වයට පෙර මෙම අගයන් දෙකම සාමාන්‍යයෙන් මාසයකට ලක්ෂ 22 ඉක්මවා සටහන්ව තිබුණා.
කෙටි කාලීන සංචාරකයන් – සිසුන් – ස්ථිර පදිංචිකරුවන් යන සියලු කාණ්ඩවලට අයත් පුද්ගල පැමිණීම් මෙලෙස ඉහළ යාමක් සටහන්ව තිබීම විශේෂත්වයක්.
මැයි මාසයේදීත් ඔස්ටේ්‍රලියාවට වැඩිම පිරිසක් පැමිණ ඇත්තේ නවසීලන්තයෙන් වන අතර 02 වන ස්ථානය මහා බි්‍රතාන්‍යයෙන්ද 03 වන ස්ථානය ඉන්දියාව ලෙසද සටහන් වනවා.
වැඩිම පිරිසක් පැමිණ තිබුණේ නිවු සවුත් වේල්ස් ප්‍රාන්තයට වන අතර අඩුම පිරිස සටහන් වන්නේ Northern Territory ප්‍රාන්තයෙනුයි.
