අවුරුදු 04 ත් 05 ත් අතර වියෙහි පසුවන කුඩා දරුවන්ට වසරක කාලයක් නොමිළයේ පූර්ව අධ්‍යාපනය ලබාදීමේ ඒකාබද්ධ වැඩපිළිවෙලක් වික්ටෝරියා සහ නිවු සවුත් වේල්ස් ප්‍රාන්ත විසින් හඳුන්වාදී තිබෙනවා.
වික්ටෝරියා අගමැති ඩැනියල් ඇන්ඩෲස් සහ නිවු සවුත් වේල්ස් අගමැති ඩොමිනික් පෙරෝටේ විසින් එය නිල වශයෙන් නිවේදනය කරනු ලැබුවා.
2025 වසරේ සිට වික්ටෝරියා ප්‍රාන්තයේත් 2030 වසරේ සිට නිවු සවුත් වේල්ස් ප්‍රාන්තයේත් මෙම වැඩපිළිවෙල අත්හදා බැලීමට නියමිතයි.
මේ සඳහා වික්ටෝරියා ප්‍රාන්ත රජය විසින් ඩොලර් බිලියන 09 ක මුදලක්ද නිවු සවුත් වේල්ස් ප්‍රාන්ත රජය විසින් ඩොලර් බිලියන 5.8 ක මුදලක්ද ඉදිරි වසර 10 ක කාලය සඳහා වෙන් කිරීමට නියමිතයි.
kindergarten මට්ටමට පෙර පූර්ව අධ්‍යාපනය ලබාදීමයි මෙහිදී සිදුවන්නේ.
