අධිකරණයට අපහාස කිරීමේ 02 වන නඩුවට අදාළව හිටපු පාර්ලිමේන්තු මන්ත්‍රී රංජන් රාමනායක ට වසර 05 කට අත්හිටුවන ලද වසර 02 ක බරපතල වැඩ සහිත සිර දඩුවමක් නියම කර තිබෙනවා.
බුවනෙක අලුවිහාරේ – එල් ටී බී දෙහිදෙණිය සහ ගාමිණී අමරසේකර යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ල විසිනුයි නියෝගය ලබාදුන්නේ.
2018 වසරේ සිදුවූ දින 52 කුමන්ත්‍රණ සමයේ රූපවාහිනී නාලිකාවක වැඩසටහනක සිදුකල ප්‍රකාශයක් මගින්
අධිකරණයට අපහාස සිදුකල බවටයි හිටපු මන්ත්‍රීවරයාට එරෙහිව මෙම නඩුව විභාග කෙරුණේ.
ඊට වරද පිළිගැනීමත් වෙනත් නඩුවකට අදාළව සිර දඩුවම් විඳිමින් සිටීමත් සැළකිල්ලට ගෙන රංජන් රාමනායකට මෙලෙස ලිහිල් දඩුවමක් ලබාදෙන බවයි විනිසුරු මඩුල්ල දන්වා ඇත්තේ.
