මාලදිවයින දක්වා සිදුකරන ගුවන් ගමන් සංඛ්යාව වැඩි කිරීමට රුසියාවේ ජාතික ගුවන් සේවය වන එරොෆ්ලොට් තීරණය කර තිබෙනවා.
එ අනුව දැනට ක්රියාත්මක ගුවන් ගමන් වාර සංඛ්යාව ලබන 10 වනදා සිට ඉහළ දැමෙනු ඇති.
බටහිර බලපෑම හමුවේ යුරෝපයේ රටවල් රැසකට සිදුකරන ගුවන් ගමන් නතර කිරීමත් – ශ්රී ලංකාව දක්වා සිදුකල ගුවන් මෙහෙයුම අත්හිටුවීමත් මීට බලපා ඇති බවයි මාලදිවයින් වාර්තාවල දැක්වෙන්නේ.
වසරේ මේ දක්වා කාලය තුළ රුසියාවෙන් මාලදිවයින වෙත පැමිණ ඇති සංචාරකයන් ගණන 67,088 ක්.
සමස්තයක් ලෙස වසරේ මේ දක්වා මාලදිවයිනට පැමිණ ඇති මුලු සංචාරකයන් ගණන 706,468 ක් බවයි එරට වාර්තා පවසන්නේ.