වික්ටෝරියා ප්‍රාන්තයේ මැක්ඩොනල්ඩ්ස් අවන්හල්වල ඇති පුරප්පාඩු 5000 ක් සඳහා සුදුස්සන් බඳවා ගැනීමේ සම්මුඛ පරීක්ෂණ හෙට දිනය පුරා පැවැත්වෙනවා.
හෙට එනම් සෙනසුරාදා පෙරවරු 09 සිට පස්වරු 06 දක්වා ප්‍රාන්තයේ පිහිටා ඇති ඕනෑම මැක්ඩොනල්ඩ්ස් අවන්හලකට ගොස් බඳවාගැනීම් කළමණාකරු මුණගැසී එම සම්මුඛ පරීක්ෂණයට පෙනී සිටිය හැකියි.
එක් අපේක්ෂකයෙකු වෙනුවෙන් මෙහිදී වැය කරන කාලය උපරිම විනාඩි 05 කට සීමා කර තිබෙනවා.
වික්ටෝරියා ප්‍රාන්තය තුළ එක් දිනයකදී මෙවැනි දැවැන්ත බඳවාගැනීම් වැඩසටහනක් පැවැත්වෙන පළමු අවස්ථාව මෙයයි.
වයස අවුරුදු 15 ට වැඩි ඕනෑම අයෙකුට වික්ටෝරියා හි මැක්ඩොනල්ඩ්ස් අවන්හල් 260 න් ඕනෑම එකකට පැමිණ මෙම සම්මුඛ පරීක්ෂණ සඳහා පෙනී සිටිය හැකියි.
දැඩි සේවක හිගය හමුවේ බලපෑම් එල්ලවී ඇති ප්‍රධානම ආයතනයක් ලෙසයි මැක්ඩොනල්ඩ් අවන්හල් ජාලය සැළකෙන්නේ.
