පොලී අනුපාත ඉහළ දැමුණුද විවිධ දීමනා ලබන පුද්ගලයන්ට බාධාවක් වීමට ඉඩ නොතබන බවට අගමැති ස්කොට් මොරිසන් සහතික වනවා.
විශ්‍රාමිකයන් 450,000 කගේ සහ වෙනත් දීමනා ලබන්නන් 440,000 කගේ පමණ අනාගතය වත්මන් ලිබරල් පාලනය යටතේ සුරක්ෂිත කර ඇති බවයි නිවේදනයක් නිකුත් කරමින් ඔහු සඳහන් කලේ.
අදාළ දීමනාවල කිසිදු කප්පාදුවක් සිදු නොකරන බවටද අගමැතිවරයා සහතික වනවා.
ඉහළ යන උද්ධමනය හමුවේ පොලී අනුපාත ඉහළ දැමීමට මධ්‍යම බැංකුව ඊයේ පියවර ගත් අතර ඊට සමගාමීව බැංකුකරණ කටයුතු විවිධාකාරයෙන් වෙනස් විය හැකියි.
මේ අතර අගමැති ස්කොට් මොරිසන් අවධාරණය කරන්නේ පොලී අනුපාත ඉහළ දැමීම සිය මැතිවරණ ප්‍රචාරණයට බාධාවක් නොවනු ඇති බවයි.
