පැයට කිලෝමීටර් 251 ක වේගයෙන් මෝටර් රථය පදවාගෙන ගිය කාන්තාවක සම්බන්ධයෙන් වික්ටෝරියා ප්රාන්ත පොලිසිය විසින් නීතිමය පියවර ගෙන තිබෙනවා.
Hallam හි පදිංචි 42 හැවිරිදි මෙම තැනැත්තිය Woodend ආසන්නයේ Calder Freeway හිදීි පොලිසිය විසින් අද අලුයම 12.30 ට පමණ නිරීක්ෂණය කර ඇත්තේ.
එහි වේග සීමාව පැයට කිලෝමීටර් 110 ක් වුවද ඇය පැ.කි.මී 140 ඉක්මවා ධාවනයේ නිරතවී තිබෙනවා.
පසුව Kyneton හිදී මෙම තැනැත්තිය පොලිසිය විසින් නැවත නිරීක්ෂණය කර ඇත්තේද ජංගම දුරකථනය භාවිත කරමින් රිය පදවමින් සිටින අතරතුරදියි.
අධි වේගයෙන් රිය පැදවීම – දුරකථන භාවිත කර රිය පැදවීම ඇතුලු චෝදනා ගණනාවක් යටතේ මෙම කාන්තාවට එරෙහිව චෝදනා ගොණු කිරීමට නියමිතයි.