දකුණු ඔස්ට්‍රේලියා ප්‍රාන්තයේ මුව ආවරණ නීති ලිහිල් කර තිබෙනවා.
එහෙත් ආබාධිත සත්කාරක මධ්‍යස්ථාන, aged care මධ්‍යස්ථාන, බන්ධනාගාර, correctional facilities හෝ පුහුණු මධ්‍යස්ථාන සහ රජයේ හෝ පෞද්ගලික රෝහල්වල තවමත් මුව ආවරණ පැළඳීම අනිවාර්යයි.
මගී ප්‍රවාහන සේවා, ගුවන් තොටුපළ සහ ගුවන් යානා වලදී ද මුව ආවරණ පැළඳිය යුතු වනවා.
මේ අතර බටහිර ඕස්ට්‍රේලියා ප්‍රාන්තය නිල වශයෙන් ඔමික්‍රොන් උපරිම රැල්ල පසුකර ඇති බව ප්‍රාන්තයේ ප්‍රධාන වෛද්‍ය නිලධාරී වෛද්‍ය Andy Robertson කියාසිටියා.
ආසාදිතයින් තවදුරටත් අඩු වූ පසු ගෘහස්ථ මුව ආවරණ පැළදීමේ අවශ්‍යතාවය ඉවත් කිරීම සලකා බැලිය හැකි බව ඔහු සඳහන් කලා.
