රුසියානු පරිපාලනයට සම්බන්ධ තවත් නිළධාරීන් 67 දෙනකුට එරෙහිව ඔස්ටේ්‍රලියාව විසින් සම්බාධක පණවා තිබෙනවා.
එරට නියෝජ්‍ය අගමැතිවරයා මෙන්ම ජනාධිපති ව්ලැඩිමිර් පූටින්ට හිතවාදී පිරිසක් මේ අතර වන බවයි විදේශ ඇමතිනී මරීස් පේන් නිවේදනය කර සිටියේ.
යුක්රේනයට එරෙහි සටන් ආරම්භයේ සිට මේ දක්වා ඔස්ටේ්‍රලියාව විසින් රුසියාවේ පුද්ගලයන් සහ ආයතන 600 කට වැඩි සංඛ්‍යාවකට සම්බාධක පණවනු ලැබ තිබෙනවා.
බෙල්ජියමේ බ්‍රසල්ස් නුවර පැවැත්වෙන නේටෝ රටවල සමුලුව අමතමිනුයි ඇය මේ බව කියාසිටියේ.
යුක්රේනයට තවත් මානුෂීය ආධාර සැපයීමට ඔස්ටේ්‍රලියාව මීට දින කිහිපයකට පෙරදීද තීරණය කරනු ලැබුවා.
