ශ්‍රී ලංකාව පිළිබඳ ජාත්‍යන්තර මූල්‍ය අරමුදල විසින් සිය කාර්යය මණ්ඩල වාර්තාව ප්‍රකාශයට පත් කර තිබෙනවා.
ආදායම් තත්ත්වය ඉහළ නැංවීම සඳහා බදු ඉහළ නැංවිය යුතු බව ද මූල්‍ය අරමුදලේ නිර්දේශවලට ඇතුළත්.
ගෝලීය වසංගත තත්ත්වය හමුවේ ශ්‍රී ලංකා ආර්ථිකයට විශාල වශයෙන් හානි සිදු වී ඇති බවයි මෙම වාර්තාවේ දැක්වෙන්නේ.
සංචාරකයන්ගෙන් ලැබීම් අහිමි වීම සහ රට අගුලූ දැමීම හේතුවෙන් එය වඩාත් බරපතල මට්ටමකට පැමිණි බව ද ජාත්‍යන්තර මූල්‍ය අරමුදල පෙන්වා දෙනවා.
දැඩි ආර්ථික අර්බුදය සම්බන්ධයෙන් සාකච්ඡා කිරීමට ජාත්‍යන්තර මූල්‍ය අරමුදලේ නියෝජිත පිරිසක් පසුගිය සතියේදී ජනාධිපති ගෝඨාභය රාජපක්ෂ සහ මුදල් අමාත්‍ය බැසිල් රාජපක්ෂ මුණගැසී තිබුණා.
ලබන මාසයේදී මුදල් අමාත්‍ය බැසිල් රාජපක්ෂ ණය ප්‍රතිව්‍යූහගත කිරීම සහ සෙසු අර්බුද සම්බන්ධයෙන් සාකච්ඡා කිරීමේ යෝජනාවලිය ද රැගෙන අමෙරිකාවේ වොෂින්ටන් හි පිහිටා ඇති ජාත්‍යන්තර මූල්‍ය අරමුදල වෙත යාමට නියමිතයි.
COMMENTS