වහාම ක්‍රියාත්මක වන පරිදි රුසියාව විසින් ෆේස්බුක් – ට්විටර් සහ යූ ටියුබ් සමාජ මාධ්‍ය ජාල සිය රට තුල අවහිර කර තිබෙනවා.
යුක්රේනය ආක්‍රමණය කිරීමත් සමග හුවමාරු වන සාවද්‍ය තොරතුරු සඳහා වැට බැඳීමක් ලෙස මෙම පියවර ගෙන ඇති බව සඳහන්.
ජාත්‍යන්තර මාධ්‍ය ආයතන රැසක්ද රුසියාවේ සිට වාර්තාකරණය මේ වනවිට අත්හිටුවා තිබෙනවා.
මේ අතර රුසියානු හමුදා සම්බන්ධයෙන් සාවද්‍ය පුවත් හුවමාරු කරන පුද්ගලයින්ට උපරිමයෙන් වසර 15 ක සිර දඬුවම් නියම කිරීමට හැකි නව නියෝගයකට අත්සන් තැබීමට ජනාධිපති ව්ලැදිමීර් පුටින් ඊයේ පියවර ගනු ලැබුවා.
මේ අතර යුක්රේන අර්බුදය පිළබිඳ සාකච්ඡා කිරීමට ජගත් ආරක්ෂක කවුන්සිලය ලබන සඳුදා දිනයේදී හදිසි රැස්වීමක් කැඳවා තිබෙනවා.
සමාජ මාධ්‍ය ඔස්සේ පණිවිඩයක් නිකුත් කරමින් යුක්රේන ජනාධිපතිවරයා ඉල්ලා සිටියේ රුසියාවේ න්‍යෂ්ඨික ත්‍රස්තවාදයට එරෙහිව දැඩි පියවරක් ගත යුතු බවයි.
ගුවන් මුක්ත කලාපයක් ප්‍රකාශයට පත් කිරීමට යුරෝපා සංගමය මෙතෙක් පියවර නොගැනීමද ඔහුගේ විවේච්චනයට ලක්වුණා.
