හෙට සිට වික්ටෝරියා කොවිඩ් රෙගුලාසි කිහිපයක් ලිහිල් කරයි

හෙට එනම් සිකුරාදා පස්වරු 06 සිට බලාත්මක වන පරිදි වික්ටෝරියා ප්‍රාන්තයේ කොවිඩ් රෙගුලාසි කිහිපයක් ලිහිල් කර තිබෙනවා.

ඒ අනුව hospitality ස්ථානවල උපරිම පාරිභෝගික සංඛ්‍යාවන් ඉවත් වන අතර සුපිරි වෙළඳසැල් සහ සිල්ලර අලෙවිසැල්වලදී Check-in වීමද අනිවාර්ය වන්නේ නැහැ.

එහෙත් සහ අවන්හල්වලදී තවදුරටත් QR කේත ක්‍රමය අනිවාර්ය බව ප්‍රාන්ත අගමැති ඩැනියල් ඇන්ඩෲස් සඳහන් කලා.

නැටුම් – ගැයුම් – Dancefloor සඳහා යළි අවසර හිමිවනවා.

මුව ආවරණ නීති තවදුරටත් අඛණ්ඩව බලාත්මක වන අතර කාර්යාලවල මුව ආවරණ භාවිතය ලිහිල් කිරීම සම්බන්ධයෙන් ලබන සිකුරාදා දිනයේදී නැවත විමසා බැලීමට නියමිතයි.

වික්ටෝරියා සේවා අංශ කිහිපයකට පණවා තිබූ අනිවාර්ය කොවිඩ් පරීක්ෂණද හෙට පස්වරු 06 සිට ඉවත් වනවා.

ප්‍රාන්තයට පැමිණෙන විදෙස් සංචාරකයන්ට Service Victoria වෙතින් පූර්ව අවසරය ලබාගැනීමද හෙට සිට ඉවත් කර තිබෙනවා.

පූර්ණ එන්නත්කරණය නොමැති විදෙස් සංචාරකයන්ට මෙතෙක් පැවති දින 14 ක නිරෝධායන කාලසීමාව දින 07 ක් දක්වා අඩු කර තිබෙනවා.