ඔස්ටේ්‍රලියාවේ පුරවැසිභාවය පතා අයදුම්පත් යොමුකරන්නන් අතුරින් සෑම 10 දෙනෙකුගෙන් අයෙකුටම වසර 02 කට වැඩි කාලයක් බලා සිටීමට සිදුවන බව නවතම වාර්තාවක් අනාවරණය කරනවා.
කෙසේවෙතත් වැඩි පිරිසකට අයදුම්පත් ඉදිරිපත් කර මාස 24 ක් ඇතුළතදී පුරවැසිභාවය හිමිවන බවයි මෙහිදී හෙළිවී ඇත්තේ.
ඔස්ටේ්‍රලියානු ස්වදේශ කටයුතු දෙපාර්තමේන්තුවට අනුව අයදුම්පත් ඉදිරිපත් කර තීරණයක් ලැබීම දක්වා වන සාමාන්‍ය කාලය මාස 13 ක් ලෙසයි පවතින්නේ.
පසුගිය මාසය වනවිට ස්වදේශ දෙපාර්තමේන්තුව තුළ පැවති පුරවැසි අයදුම්පත් සංඛ්‍යාව 144,847 ක්.
2020 සහ 2021 වසරවලදී ඔස්ටේ‍රලියා පුරවැසිභාවය ලැබූ පුද්ගලයන් සංඛ්‍යාව 314,000 ක් වන අතර ඉන් වැඩි පිරිසක් එය ලබාගෙන ඇත්තේ ඔන්ලයින් ක්‍රමයටයි.
ඊයේ පැවති ඔස්ටේ්‍රලියා ජාතික දිනයේදී රටවල් 150 ක පුද්ගලයන් 16,000 කට පමණ මෙරට පුරවැසිභාවය පිරිනමා තිබුණා.
