නිවු සවුත් වේල්ස් ප්රාන්තයේ මෙතෙක් පැවති කොවිඩ් මර්දන රෙගුලාසි රැසක් අද සිට ලිහිල් කර තිබේ.
මේ අනුව පූර්ණ එන්නත්කරණයට ලක්වූ ඒකරාශීවීම් සඳහා තවත් පිරිස් ගෙන්වා ගත හැකි අතර නිවාස තුළ හමුවිය හැකි පුද්ගලයන් සඳහා පැවති සීමාව ඉවත් කර ඇත.
ව්යාපාරික ස්ථානවල මේ දක්වා ක්රියාත්මක වූ වර්ග මීටර් 02 ක දුරස්ථභාවය වර්ග මීටරයක් දක්වා අඩු කෙරේ.
පිහිණුම් තටාක විවෘත කර ඇති අතර නර්ථන කටයුතු සඳහා පැවති නීති ලිහිල් වනු ඇති.
ක්රීඩාංගණ – තුරග තරග පිටි – සත්වෝද්යාන – සැණකෙළි – සිනමා ශාලා වැනි ස්ථානවලට උපරිම ධාරිතාවයෙන් නරඹන්නන් ගෙන්වා ගත හැකි අතර බාහිර උත්සව සඳහා උපරිම පුද්ගලයන් 1000 දෙනෙකු ගෙන්වා ගැනීමේ අවසර පවතී.
නිවු සවුත් වේල්ස් හි පාසල් සිසුන්ට අද සිට නැවතත් සංගීත පංති සඳහා සහභාගීවීමටද අවසර හිමිවනවා.
කෙසේවෙතත් මුව ආවරණ රෙගුලාසි ලබන මස 15 වනදා දක්වා අඛණ්ඩව බලාත්මක වන බවයි නිවු සවුත් වේල්ස් ප්රාන්ත රජය නිවේදනය කර සිටින්නේ.