පාසල් සිසුන්ට නොමිළයේ රැපිඩ් ඇන්ටිජන් පරීක්ෂණ කරගැනීම සඳහා අවසර දීමට වික්ටෝරියා ප්රාන්ත රජය තීරණය කර තිබේ.
ඒ අනුව කොවිඩ් ආසාධිතයන් වාර්තා වූ පාසල් 20 ක පළමු අධියරේදී එය ආරම්භ කෙරෙනු ඇති.
ලබන 15 වනදා වනවිට සෑම පාසලකටම එය ව්යාප්ත කරන බව වික්ටෝරියා ප්රාන්ත රජය නිවේදනකය කර සිටී.
වයස අවුරුදු 12 ට අඩු, කොවිඩ් ආසාධිතයන්ගේ සමීප ආශ්රිතයන් බවට පත් වූ මේ දක්වා එන්නත්කරණයට ලක් නොවූ සිසුන්ට පළමුවෙන් රැපිඩ් ඇන්ටිජන් පහසුකම ලබාදෙන බව වික්ටෝරියා ප්රාන්ත රජය නිවේදනය කරයි.
සෘණාත්මක ප්රථිඵලයක් ලද හොත් දින 07 කට පාසලට පැමිණිම සඳහා ද අවසර ලැබෙනු ඇත.
පාසල් සඳහා රැපිඩ් ඇන්ටිජන් කට්ටල ලක්ෂ 02 ක් තහවුරු කරගැනීමට වික්ටෝරියා ප්රාන්ත රජය පසුගියදා සමත්විය.
විනාඩි 15 ත් 30 ත් අතර කාලයකදී එහි ප්රථිඵලය ලබා ගත හැකි වේ.
පසුගිය පළමුවනදා සිට නිවසේදීම රැපිඩ් ඇන්ටිජන් පරීක්ෂණ සිදුකර ගැනීම සඳහා ඔස්ටේ්රලියානු සෞඛ්ය අංශවල අනුමැතිය හිමිවිය.