මින් ඉදිරියට වික්ටෝරියා ප්‍රාන්තයේ කොවිඩ් ආසාධිතයන් සංඛ්‍යාව ක්‍රම ක්‍රමයෙන් අඩුවනු ඇතැයි ප්‍රාන්ත ප්‍රධාන සෞඛ්‍ය වෛද්‍ය නිළධාරී Brett Sutton පවසනවා.
ඔහු පෙන්වා දෙන්නේ ප්‍රාන්තයේ ආසාධිතයන් සංඛ්‍යාවේ උපරිමයට මේ වනවිට ළගාවි ඇති බවයි.
වික්ටෝරියා ප්‍රාන්තයෙන් මේ දක්වා දිනයකදී සටහන්වූ වැඩිම ආසාධිතයන් ගණන පසුගිය සෙනසුරාදා සටහන්විය.
ඒ ආසාධිතයන් 1965 ක් ලෙසයි.
සතියකට පමණ පසු අඩුම ආසාධිතයන් ලෙස රෝගීන් 1466 ක් අද දිනයේදී සටහන්විය.
මේ අතර සියයට 70 එන්නත්කරණ ඉලක්කය නියමිත දිනයට පෙර සපුරාගත හැකි වුවහොත් ලොක්ඩවුන් නීති ද නියමිත දිනයට පෙර ලිහිල් කල හැකි බව වික්ටෝරියා අගමැති ඩැනියල් ඇන්ඩෲස් පැවසීය.
