ක්වීන්ස්ලන්ඩ් නිවාස නිරෝධායන වැඩපිළිවෙලට ලැබී ඇති ප්‍රතිචාරය අඩු මට්ටමක පවතින බවට තොරතුරු හෙළිවෙයි.
පුද්ගලයන් 1000 ක් පළමු අධියරේදී සහභාගී කර ගැනීමට නියමිත වුවද ඒ සඳහා ලියාපදිංචි වී ඇත්තේ 407 දෙනෙකු පමණි.
ඉතා දැඩි රෙගුලාසි මාලාවක් ක්‍රියාත්මක වීම ඊට හේතුව බවටයි සැළකෙන්නේ.
පූර්ණ එන්නත්කරණයට ලක්ව සිටීම – දින 03 කට පෙර ලබාගත් සෘණාත්මක පී සී ආර් වාර්තාවක් ඉදිරිපත් කල යුතුවීම සහ තනිව හෝ සමස්ත පවුලම සමග නිරෝධායනය වීම ඒ අතර වනවා.
නිරෝධායන මධ්‍යස්ථානයකට ගොස් නිරෝධායනයවීමට වඩා මෙම ක්‍රමය පහසු බව ඇතැම් ක්වීන්ස්ලන්ඩ් ප්‍රාන්ත වාසීන් දන්වා ඇතත් ඇතැමුන් ප්‍රකාශ කර ඇත්තේ මෙහි අඩංගු රෙගුලාසි දැඩි බැවින් අනුගමනය අසීරු බවයි.
