ලබන මාසයේ සිට අනිවාර්යයෙන්ම දේශ සීමා විවෘත කරන බව අග්රාමාත්ය ස්කොට් මොරිසන් අද නිල වශයෙන් නිවේදනය කලා.
පූර්ණ එන්නත්කරණයට ලක්වූ පුද්ගලයන්ට මේ අනුව රටට පැමිණීමට අවසර හිමිවනු ඇති.
ප්රාන්තවල එන්නත්කරණ ඉලක්කය සියයට 80 ක ඉලක්කයකට ළගාවෙමින් සිටින බැවින් මෙලෙස දේශ සීමා විවෘත කිරීමට කටයුතු කරන බවද අග්රාමාත්යවරයා සඳහන් කලා.
කෙසේවෙතත් දේශ සීමා විවෘත කරන දිනයක් මෙතෙක් ප්රකාශයට පත් කර නොමැති අතර ඉදිරි සති කිහිපය තුළ ඒ සම්බන්ධයෙන් අවසන් තීරණයක් ගැනීමට නියමිත බවයි අග්රාමාත්යවරයා සඳහන් කලේ.
පළමු අධියරේදී රටින් බැහැරට යාමට අවසර හිමිවන්නේ ඔස්ටේ්රලියාවේ ස්ථිර පදිංචිය හිමි හෝ පුරවැසිභාවය සහිත පුද්ගලයන්ට පමණයි.
මේ අනුව මාස 18 කට පමණ පසු ඔස්ටේ්රලියාවට පැමිණීමට විදෙස් සංචාරකයන්ට අවසර හිමිවන අතර මෙතෙක් පැවති දින 14 ක හෝටල් නිරෝධායනයද ඉවත් කර තිබෙනවා.
ඒ සඳහා එක් සංචාරකයෙකුට ඔස්ටේ්රලියානු ඩොලර් 3000 ක පමණ මුදලක් වැයවූ අතර ඒ වෙනුවට දින 07 ක නිවාස නිරෝධායන වැඩපිළිවෙලක් ක්රියාත්මක කරීමට නියමිතයි.
කෙසේවෙතත් කැන්බරා – සිඩ්නි සහ මෙල්බර්න් යන ප්රධාන නගර 03 ම මේ වනවිට ලොක්ඩවුන් තත්වයේ පැවතීමත් සමග දේශ සීමා විවෘත කිරීම කෙතරම් ප්රායෝගික වනු ඇතිදැයි ප්රධාන පෙලේ ගුවන් සමාගම් ගණනාවක් සැක මතු කර තිබෙනවා.