ලොව පුරා රටවල සිරවි සිටින ඔස්ටේ්රලියානුවන් මව්බිමට ගෙන්වා ගැනීම සඳහා රජයේ පහසුකම් යටතේ ගුවන් යානා යෙදවීමට ඔස්ටේ්රලියා ෆෙඩරල් රජය තීරණය කර තිබේ.
නත්තල් සමය වනවිට හැකිතාක් ජනයා රටට ගෙන්වා ගැනීමයි එහි අරමුණ වන්නේ.
මෙරටට පැමිණිමේ අපේක්ෂාවෙන් දැනට විදේශ කටයුතු දෙපාර්තමේන්තුවේ ලියාපදිංචි වී සිටින පිරිස 45,000 ක් පමණ වනවා.
නත්තල් වනවිට ඔස්ටේ්රලියානුවන් හැකි උපරිමයක් ගෙන්වා ගැනීමට ප්රමුඛත්වය දෙන ලෙසයි අගමැති ස්කොට් මොරිසන් ද දැනුම්දී තිබුණේ.
කෙසේවෙතත් ඊට පෙර සියයට 80 එන්නත්කරණ ඉලක්කය සපුරා ගත යුතු බවත් අගමැතිවරයා අවධාරණය කර තිබිණ.
දැනට විදෙස්ගතව සිටින පූර්ණ එන්නත්කරණයට ලක්ව සිටින ඔස්ටේ්රලියානුවන්ට රටට පහසුවෙන් පැමිණිය හැකි පරිදි කටයුතු සම්පාදනය කෙරේ.