වික්ටෝරියානු Regional කලාප සහ මෙල්බර්න් මෙට්‍රොපොලිටන් කලාපය අතර සීමාවන්හි රාජකාරී කරන පොලිස් නිලධාරීන් ගේ සංඛ්‍යාව ඉහළ දමා තිබේ.
මෙල්බර්න් මෙට්‍රොපොලිටන් කලාපයේ සිට අවසරයකින් තොරව වික්ටෝරියානු Regional කලාප වෙත යන පුද්ගලයින්ට $5,500 ක් දක්වා දඩ නියම කළ හැකිය.
ගතවූ පැය 24 තුළ වික්ටෝරියා ප්‍රාන්තයෙන් අලුතින් කොවිඩ් ආසාදිතයින් 324 ක් හමුවී තිබේ.
ඒ අතරින් 107 දෙනෙකු දැනට හඳුනාගෙන ඇති කොවිඩ් පොකුරුවලට සම්බන්ධ බවට සොයාගෙන ඇත.
ACT හි නව ආසාදිතයින් 15 ක් වාර්තා වී ඇති අතර ඔවුන්ගෙන් අවම වශයෙන් ආසාදිතයින් අට දෙනෙක් වයිරසය වැළදී තිබියදී ප්‍රජාව තුළ සිටි බව සඳහන්.
