වික්ටෝරියා ප්‍රාන්තයට පණවා ඇති Lockdown තත්වය ඉවත් කරන්නේද නැද්ද යන තීරණය ප්‍රකාශයට පත් කිරීම හෙට දිනය දක්වා කල් දමා තිබෙනවා.
දැනට පවතින Lockdown තත්වය හෙට (27) රාත්‍රී 12 ටයි අවසන්වීමට නියමිතව ඇත්තේ.
ඒ අනුව Lockdown තත්වය පිළිබඳ නිවේදනය අද ලබාදීමට නියමිත වුවද මේ දක්වා අවසන් තීරණයක් ගෙන නොමැති බැවින් එය හෙට දක්වා කල් දැමූ බවයි වික්ටෝරියා සෞඛ්‍ය අමාත්‍ය Martin Foley පැවසුවේ.
කෙසේවෙතත් බොහෝ දුරට හෙට දිනයේදී සුබවාදි ආරංචියක් ලැබෙනු ඇති බවටද ඔහු ඉගියක් පළකලා.
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් අලුතින් කොරෝනා ආසාදිතයින් 11 ක් හමුවී තිබේ.
එම සියලු ආසාදිතයින් ස්වයං නිරෝධායනය වෙමින් සිටින බව වික්ටෝරියානු සෞඛ්‍ය දෙපාර්තමේන්තුව පවසයි.
ඒ සමග මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 190 දක්වා ඉහළ නැග ඇත.
