ඩිමෙන්ශියා රෝගයෙන් පෙළුණු තම සැමියා එන්නතක් ශරීර ගත කර ඝාතනයට තැත් කළ කාන්තාවක් පිළිබඳ පුවතක් බටහිර ඔස්ට්‍රේලියාවෙන් වාර්තා වනවා.
සැකකාර කාන්තාව වෘත්තියෙන් හෙද නිලධාරිනියක් වන අතර ඇය ඉන්සියුලින් එන්නත් කර සැමියා ඝාතනයට තැත් කිරීම සම්බන්ධයෙන් චෝදනා ලබා ඇති බවයි වාර්තා වන්නේ.
මෙම සිද්ධිය පසුගිය 2021 වසරේ සිදුවී ඇති අතර බටහිර ඔස්ට්‍රේලියාවේ මිනීමැරීමට තැත් කිරීමේ උපරිම දඬුවම ජීවිතාන්තය දක්වා සිරගත කිරීමයි.
චෝදනා ලැබ සිටි කාන්තාව මිනීමැරීමට තැත් කිරීමේ චෝදනාව මත බටහිර ඔස්ට්‍රේලියාවේ ශ්‍රේෂ්ඨාධිකරණය හමුවේ වරදකාරිය වී තිබෙනවා.
මේ වන විට 63 හැවිරිදි වියෙහි පසුවන සැකකාර කාන්තාව 2021 ජනවාරි මාසයේදී ඩිමෙන්ශියාවෙන් පෙළෙන තම ස්වාමිපුරුෂයා තමන් සේවය කළ රෝහලට ඇතුලත් කර ගැනීමෙන් පසු ඝාතනය කිරීමට උත්සාහ කළ බවට ජූරි සභාව විසින් සොයා ගෙන තිබුණා.
CCTV දත්ත අනුව සැකකාරිය එලෙස පුද්ගලයකු ඝාතනය කළ බවට තහවුරුවීමත් සමග ජීවිතාන්තය දක්වා සිර දඬුවම් නියම කිරීමට නියෝග කළා.
පැය අටකට වැඩි කාලයක් ජුරි සභාව සිදු කළ සාකච්ඡාවකින් අනතුරුව නියෝගය ලබා දී තිබෙනවා.
