සිඩ්නි හි ප්රදේශ දෙකක සිදු වූ පිහි ඇනුම් භයානක ප්රවණතාවක් බව බටහිර ඔස්ට්රේලියාවේ නීතිපති ජෝන් ක්විග්ලි අනතුරු අඟවනවා.
සිඩ්නි බොන්ඩායි ජන්ෂන් හි සාප්පු මධ්යස්ථානයේ සමූහ පිහි ඇනුම සහ පල්ලියක බිෂොප්වරයෙකුට පහරදීම භයානක ප්රවණතාවක කොටසක් බවයි නීතිපතිවරයා ප්රකාශ කර ඇත්තේ.
මෙම තත්වය මත නම් කරන ලද අවදානම් ප්රදේශවල පිහි සෙවීමට metal detectors භාවිතා කිරීමට පොලිසියට අවසර දෙන නීතියක අවශ්යතාව රජය සමීපව නිරීක්ෂණය කරමින් සිටින බව ද ඔහු ප්රකාශ කළා.
ජෝන් ක්විග්ලි පැවසුවේ වසරක් තුළ ආයුධ 500 කට වැඩි ප්රමාණයක් සොයා ගැනීමට හැකි වූ ක්වීන්ස්ලන්ඩ් ප්රාන්තයේ ක්රියාත්මක වන ආකාරයට සමාන නීති ක්රියාත්මක කිරීමට රජය අපේක්ෂා කරන බවයි.
ක්වීන්ස්ලන්ඩ් හි නීති මගින් පොලිසියට වරෙන්තුවක් නොමැතිව සියලුම පරිශ්රවල, පොදු ප්රවාහන ස්ථානවල සහ පොදු ප්රවාහනයේදී මිනිසුන් පරික්ෂා කිරීමට metal detectors භාවිතා කිරීමට අවස්ථාව හිමි වනවා.
ක්විග්ලි පැවසුවේ බොන්ඩායි ජන්ෂන් පිහි ඇනුම සහ සඳුදා රාත්රියේ සිඩ්නි පල්ලියක බිෂොප්වරයෙකුට පහරදීම භයානක ප්රවණතාවයක කොටසක් බවයි.