අමරිකානු දැවැන්ත ක්ෂණික ආහාර ජාලයක් වන Wendy’s (වෙන්ඩිස්) ආයතනය සිය අලෙවිසැල් 200 ක් ඔස්ට්‍රේලියාව තුල ආරම්භ කිරීමට ගිවිසුම් ගතවී තිබෙනවා.
ලොව 03 වන විශාලතම බර්ගර් අලෙවිසැල් ජාලය වන මෙය 2025 වසර වනවිට පළමු අවන්හල විවෘත කිරීමටයි දැනට සැළසුම් කර ඇත්තේ.
2034 වසර අවසානය වනවිට අලෙවිසැල් 200 ක් ඔස්ට්‍රේලියාව පුරා විවෘත කර අවසන් කිරීම ඔවුන්ගේ ඉලක්කයයි.
මේ හරහා ඔස්ට්‍රේලියාව තුළ රැකියා අවස්ථා දහස් ගණනක් නිර්මාණය වනු ඇති බවද වෙන්ඩිස් ආයතනය පෙන්වා දෙනවා.
එක් වෙළදසැළක් සඳහා සේවකයින් 30 ත් 50 ත් අතර සංඛ්‍යාවක් ඒ යටතේ බඳවා ගැනීමට නියමිතයි
ඔස්ට්‍රේලියානුවන්ට ආවේණික ආහාර රටා අනුව බර්ගර් නිශ්පාදනය කරමින් එම ආහාර ජාලය තවදුරටත් ඔස්ට්‍රේලියාව තුල ව්‍යාප්ත කිරීම
තම අපේක්ෂාව බවයි වෙන්ඩිස් සමූහ ව්‍යාපාරයේ සභාපතිවරයා සඳහන් කර ඇත්තේ.
වෙන්ඩිස් විසින් 1982 වසරේදී පළමු වරට මෙල්බන් නගරයේදී අවන්හලක් විවෘත කෙරුණු අතර වසර 03 ක් ගතවනවිට ඔවුන් සතුව අලෙවිසැල් 11 ක් පැවතියද ඩොලර් මිලියන 8 ක ණය බරත් සමග ඒවා සියල්ල වසා දමනු ලැබුවා.
