ඩොලර් මිලියන 60 කට ආසන්න වටිනාකමින් යුත් ගංජා පැළ තොගයක් සමග සැකකරුවන් 11 දෙනෙකු ක්වීන්ස්ලන්ඩ් පොලිසිය විසින් සිය භාරයට ගෙන තිබෙනවා.
ක්වීන්ස්ලන්ඩ් හි ප්‍රාදේශීය කලාපයක ස්ථාන කිහිපයක මෙම වගාවන් පවත්වාගෙන ගොස් තිබූ බව සඳහන්.
හරිතාගාර පවත්වාගෙන යන මුවාවෙන් මෙම ජාවාරම් සිදුකර ඇති බවටයි අනාවරණය වී ඇත්තේ.
ඔවුන් විසින් වගා කර ඇති ගංජා සමස්ත ඔස්ටේ්‍රලියාව පුරා බෙදා හැර ඇති බවටද චෝදනා එල්ල වනවා.
අත්අඩංගුවට පත්වූවන් අතර වික්ටෝරියා හි පදිංචි අවුරුදු 30- 38 සහ 55 යන වියෙහි පසුවන්නන් 03 දෙනෙකු ද වන බවයි පැවසෙන්නේ.
මොවුන් ලබන ඔක්තෝබර් 03 වනදා අධිකරණයට ඉදිරිපත් කෙරෙනු ඇති.
