අවම වැටුප යටතේ පූර්ණ කාලීනව සේවයේ නිරතවන ඔස්ට්රේලියානුවෙකුට වියදම් පියවීමෙන් පසු සතියකට ඉතිරි කරගත හැකිවනුයේ ඩොලර් 57 ක් පමණක් බව නවතම සමීක්ෂණයකින් අනාවරණය වී තිබෙනවා.
04 දෙනෙකුගෙන් සමන්විත ඔස්ට්රේලියානු පවුලක එම මුදල ඩොලර් 73 ක් බවයි මෙහිදී අනාවරණය වී ඇත්තේ.
එමෙන්ම අවම වැටුප ලබන සහකරු හෝ සහකාරිය නොමැතිව දරුවන් සමග තනිව වාසය කරන අයෙකුට (single parent) සතියකට ඩොලර් 180 ක පමණ මුදලක් අඩුවෙන් පවතින බවද සඳහන්.
ලබන පළමුවනදා සිට ජාතික අවම වැටුප සියයට 5.75 කින් ඉහළ දැමීමට නියමිතව තිබියදී මෙම දත්ත අනාවරණය කිරීමද විශේෂත්වයක්.
ඒ අනුව ලබන සෙනසුරාදා සිට අවම වැටුප උපයන අයෙකුට සතියකට ඩොලර් 882.80 ක් හෙවත් පැයකට ඩොලර් 23.23 ක මුදලක් හිමිවිය යුතුයි.