මෙල්බන් CBD හි ට්‍රෑම් රථයකදී තියුණු ආයුධයක්ද සහිතව කළහකාරීව හැසිරුණු පුද්ගලයෙකු පොලිස් අත්අඩංගුවට ගෙන තිබෙනවා.
ඔහු යටත් කර ගැනීමට දැඩි පරිශ්‍රමයක් දැරීමට සිදුවූ බවයි වික්ටෝරියා ප්‍රාන්ත පොලිසිය සඳහන් කලේ.
57 හැවිරිදි සැකකරු පාලනය කර ගැනීමට විද්‍යුත් අවියක් (taser) පවා යොදාගැනීමට සිදුූ වී තිබෙනවා.
මෙම තැනැත්තා විසින් ට්‍රෑම් රථයේ රියදුරු සහ මගීන්ට හානිවන ආකාරයෙන් හැසිරීමත් සමගයි වහා පොලිස් නිළධාරීන් දැනුවත් කර ඇත්තේ.
මෙහිදී එක් කාන්තාවක පමණක් සුලු තුවාල ලබා ඇති අතර සැකකරු මෙල්බන් අධිකරණයකට ඉදිරිපත් කිරීමට නියමිතයි.
