ජූලි පළමුවනදා සිට ක්වීන්ස්ලන්ඩ් ප්‍රාන්තයේ වාහන ලියාපදිංචි ගාස්තු ඉහළ දමා තිබෙනවා.
ඒ අනුව සිලින්ඩර් 04 වාහනයක් ලියාපදිංචි ගාස්තුව ඩොලර් 773 සිට 793 දක්වා ඉහළ නැංවෙන්නේ ඩොලර් 20 කිනුයි.
සිලින්ඩර් 06 වාහනයක ලියාපදිංචි ගාස්තුව ඩොලර් 26.50 කින්ද – සිලින්ඩර් 08 වාහනයක ලියාපදිංචි ගාස්තුව ඩොලර් 34.05 කින්ද වැඩි කෙරෙනු ඇති.
මීට අමතරව අධි වේගය හෝ අඩු වේගය යන චෝදනා සඳහා වන දඩ මුදල්ද ජූලි පළමුවනදා සිට වැඩි කිරීමටයි ක්වීන්ස්ලන්ඩ් ප්‍රාන්ත රජය කටයුතු යොදා ඇත්තේ.
ඒ අනුව නියමිත වේගයට වඩා කිලෝමීටර් 11 කට අඩු වේගයක් පවත්වා ගතහොත් දැනට අය කෙරෙන දඩ මුදල ඩොලර් 309 කින් ඉහළ දැමෙනුයේ ඩොලර් 22 කිනුයි.
පැයට කිලෝමීටර් 20 ක උපරිමයක් දක්වා අධිවේගයෙන් ගමන් කිරීමට නියමප කෙරෙන දඩය ඩොලර් 33 ක්.
රිය ධාවනයේදී දුරකථන භාවිතය සම්බන්ධයෙන් දැනට ක්වීන්ස්ලන්ඩ් හි පවතින දඩය ඩොලර් 1078 ක් වන අතර එය ලබන ජූලි පළමුවනදා සිට ඩොලර් 1,161 ක් දක්වා ඉහළ නැංවීමට නියමිතයි.
