ඔස්ටේ්‍රලියානු විදේශ ගමන් බලපත් අපේක්ෂා කරන පුද්ගලයන්ට දිගු ප්‍රමාදයන්ට මුහුණදීමට සිදුව ඇති හේතුව අනාවරණය වී තිබෙනවා.
නව නිමාවකින් යුත් විදේශ ගමන් බලපත්‍රයක් නිකුත් කිරීම ඊට හේතුව බවයි පැවසෙන්නේ.
2014 වසරේදී හඳුන්වා දුන් “P” කාණ්ඩය වෙනුවට “R” කාණ්ඩය යටතේ නව ගමන් බලපත් නිකුත් කිරීම ආරම්භ කර ඇතැයි ස්වදේශ කටයුතු දෙපාර්තමේන්තුව සඳහන් කලා.
එහි ඡායාරූපය සහිත පිටුව නව ආරක්ෂිත ක්‍රමවේදයන්ගෙන් සමන්විතවන අතර හානි සිදුවීමට ඇති ඉඩකඩ ඉතා අවම බවයි වාර්තා වන්නේ.
මෙම නව ගමන් බලපත්‍රය නිකුත් කිරීමේදී තාක්ෂණික ගැටලු ගණනාවකට මුහුණදීමට සිදුවීමද මේ වනවිට උද්ගතවි ඇති ගමන් බලපත්‍ර ප්‍රමාදයට තවත් හේතුවක් වී තිබෙනවා.
පසුගිය අප්‍රේල් මාසයේදී ගමන් බලපත්‍ර 160,000 නිකුත් කර තිබූ අතර අගෝස්තුවේදී එය 250,000 ක් දක්වා ඉහළ ගොස් තිබුණා.
කෙසේවෙතත් මේ වනවිට මාසයකට ලැබෙන අයදුම්පත් සංඛ්‍යාව ලක්ෂ 05 ද ඉක්මවා ගොස් ඇති බවටයි වාර්තා පළවන්නේ.
