Day: August 22, 2021

Flinders Street හි ස්ථාන රැසක් කොවිඩ් අවධානම් ලැයිස්තුවට ඇතුළත් කර තිබේ. නිවාස සංකීර්ණ ඇතුලු ස්ථාන ඒ අතර වෙයි. එම ස්ථාන සහ මෙල්බර්න් නගරයේ නවතම කොවිඩ් අවධානම් ලැයිස්තුව පහතින් : https://www.coronavirus.vic.gov.au/exposure-sites

කොවිඩ් ආසාධිතයන් කිසිවෙකුත් වාර්තා නොවන දිනයක් ගැන සිතා ගැනීමට අසීරු බව අගමැති ස්කොට් මොරිසන් පවසයි. එසේ වුවද සදාකාලිකව Lockdown තත්වයක රට පවත්වාගෙන යා නොහැකි බවද ඔහු අවධාරණය කර සිටී. වසංගතයෙන් ගොඩ ඒම සඳහා ඇති එකම විකල්පය එන්නත්කරණය පමණක් බව අගමැතිවරයා සඳහන් කලා. කෙසේවෙතත් ඊයේ දිනය වනතුරුත් වයස අවුරුදු 16 ට වැඩි ඔස්ටේ්‍රලියානුවන්ගෙන් මාත්‍රා 02 ම ලබාගෙන තිබුණේ සියයට 30 ක පිරිසක් පමණි. ෆෙඩරල් රජයේ සැළසුම වන්නේ සතියකට එන්නත් මාත්‍රා ලක්ෂ 20 ක ඉලක්කයකට හැකි ඉක්මණින්

ඔස්ටේ්‍රලියාවෙන් මේ දක්වා එක් දිනයකදී වාර්තා වූ වැඩිම කොවිඩ් ආසාධිතයන් සංඛ්‍යාව වාර්තාව නැවතත් අලුත් කරමින් ගතවූ පැය 24 තුළ නිවු සවුත් වේල්ස් ප්‍රාන්තයෙන් ආසාධිතයන් 830 ක් වාර්තා වී තිබේ. සිඩ්නි නගරයෙන් ඊයේ කොවිඩ් මරණ 03 ක් ද වාර්තා විය. මේ අනුව වසංගතය ආරම්භයේ සිට සිඩ්නි නගරයෙන් සටහන්වූ මුලු කොවිඩ් මරණ සංඛ්‍යාව 127 දක්වා වැඩි වේ. https://twitter.com/NSWHealth/status/1429247339303116800?s=20

ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 65 ක් හමුව ඇත. මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 440 කි. ඊයේ දිනයේදී (21) වික්ටෝරියා ප්‍රාන්තය තුළ කොරෝනා පරීක්ෂණ 44,147 ක් සිදුකර ඇති අතර කොරෝනා එන්නත් මාත්‍රා 26,149 ක් ලබා දී තිබේ. https://twitter.com/VicGovDH/status/1429219078137290753?s=20