Day: August 9, 2021

කිසිදු ආසාධිතයෙකු වාර්තා නොවීම හමුවේ  Regional Victoria හි Lockdown තත්වය සැළසුම් කල දිනයට පෙර ඉවත් කිරීමට තීරණය වී තිබේ. ඒ අනුව අද රාත්‍රී 12 සිට එම ප්‍රදේශවල සංචරණ සීමා ඉවත් කරන බවයි ප්‍රාන්ත අගමැති Daniel Andrews නිවේදනය කලේ. සමස්ත වික්ටෝරියා ප්‍රාන්තයම Lockdown කෙරුණේ මීට දින 04 කට පෙරයි. මේ අනුව හෙට සිට Regional Victoria හි පාසල් නැවත විවෘත වන අතර සාමාන්‍ය ජන ජීවිතය නැවතත් ආරම්භ කල හැකි බව අගමැතිවරයා පැවසීය. කෙසේවෙතත් නිවාස තුළ සාද පැවැත්වීම

ගතවූ පැය 24 තුළදී නිවු සවුත් වේල්ස් ප්‍රාන්තයෙන් තවත් කොවිඩ් ආසාධිතයන් 283 දෙනෙකු හඳුනාගෙන තිබේ. ඒ පරීක්ෂණ 133,000 කට වැඩි සංඛ්‍යාවකිනි. මින් 106 දෙනෙකු වෛරසය වැළඳී තිබියදී සමාජයේ සැරිසරා ඇතැයි වාර්තා වේ. මේ අතර නිවු සවුත් වේල්ස් ප්‍රාන්තයෙන් ඊයේ දිනයේදි තවත් කොවිඩ් ආසාධිත මරණයක් වාර්තා වී ඇත. අවුරුදු 90 ක් පමණ වන කාන්තාවක Greenwich Hospital හිදී ඊයේ මිය ගියාය. ඇයට එන්නත ලබාදී නොමැති බවද තහවුරු වී තිබේ. https://twitter.com/NSWHealth/status/1424536053529018370?s=20

ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 11 ක් හමුව ඇති බව වික්ටෝරියා සෞඛ්‍ය දෙපාර්තමේන්තුව පවසයි. මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 103 කි. ඊයේ දිනයේදී (08) වික්ටෝරියා ප්‍රාන්තය තුළ කොරෝනා පරීක්ෂණ 38,987 ක් සිදුකර ඇති අතර කොරෝනා එන්නත් මාත්‍රා 17,101 ක් ලබා දී තිබේ. https://twitter.com/VicGovDH/status/1424496981255147522?s=20

මෙල්බර්න් නගරයේ ස්ථාන 31 ක් ඊයේ දිනය තුළ කොවිඩ් අවධානම් ලැයිස්තුවට ඇතුළත් කර ඇත. Deer Park / Flemington / St Albans / Caroline Springs / Melton ප්‍රදේශවල වෛළඳසැල් – අවන්හල් – ෆාමසි සහ මත්පැන් සැල් ඇතුලු ස්ථාන මීට අයත්. Tier 01 / Tier 02 හා Tier 03 යන කාණ්ඩ 03 යටතේම මෙම ස්ථාන නම් කර තිබේ. මෙල්බර්න් නවතම අවධානම් ස්ථාන ලැයිස්තුව පහතින් : https://www.coronavirus.vic.gov.au/exposure-sites

මෙල්බර්න් උතුරු ප්‍රදේශයේදී සිදුවූ රිය අනතුරකින් කාන්තාවක සහ පිරිමි අයෙකු මියගොස් තිබේ. Wallan හි පදිංචිකරුවන් වන 46 හැවිරිදි කාන්තාවක සහ 36 හැවිරිදි පිරිමි අයෙකු මෙලෙස ජීවිතක්ෂයට පත්ව ඇත. Hume Highway ට ආසන්නයේ පිහිටි Beveridge හි Lithgow Street දී මෙම අනතුර සිදුව ඇත. රියදුරුට රථයේ පාලනය ගිලිහී යාමෙන් අනතුර සිදුව ඇති බවටයි තහවුරු වී ඇත්තේ. රථය වට කිහිපයක් පෙරළී ගොස් ඇති බව වික්ටෝරියා පොලිසිය ප්‍රකාශ කලා.   Pic – mebere.com