Day: February 17, 2021

මානව ශරීරයේ ප්‍රතිශක්තිය අඩු කළ හැකි තවත් කොවිඩ් වෛරස් ප්‍රභේදයක් එක්සත් රාජධානියේ හඳුනාගෙන තිබෙන බව විද්‍යාඥයින් පවසයි. B.1.525 ලෙස හැඳින්වෙන මෙම ප්‍රභේදය දැනටමත් ආසාදිතයින් 33 අතුරින් හඳුනාගෙන ඇති බව වාර්තා වේ. එය දකුණු අප්‍රිකානු සහ බ්‍රසීලියානු ප්‍රභේද දෙකෙහිම දක්නට ලැබෙන E484K විකෘතිය ඇතුළත් වන බවයි විද්‍යාඥයින් සඳහන් කරන්නේ. එය සියයට 70 ක් දක්වා බෝවීමේ ප්‍රවණතාවයක් දක්වන බව​ද විද්‍යාඥයින් සිදුකළ අධ්‍යනයකින් සොයාගෙන තිබෙනවා.

අද දින වික්ටෝරියානු ප්‍රාන්තයෙන් කිසිඳු කොරෝනා රෝගියෙකු වාර්තා වී නොමැත​. ඒ අනුව​, අද දින පැවැත් වූ මාධ්‍ය සාකච්ඡාවේදී වික්ටෝරියානු අගමැති Daniel Andrews පැවසූවේ ප්‍රාන්තයේ ක්‍රියාත්මක වන දින පහේ lockdown තත්වය අද මධ්‍යම රාත්‍රියෙන් අවසන් වන බවයි. සියලුම සීමාවන් පාහේ ඉවත් කරනු ලැබේ. නමුත් වික්ටෝරියානුවන්ට ඔවුන්ගේ නිවසට පැමිණිය හැක්කේ 5 දෙනෙකු පමණක් වන අතර සමාජ දුරස්ථභාවය පවත්වා ගැනීමට නොහැකි අවස්ථාවන් වලදී ගෘහස්ථව හා එළිමහනේ මුව ආවරණ පැළඳීම අනිවාර්‍ය වේ. එළිමහනේ රැස්විය හැකි උපරිම පුද්ගල සංඛ්‍යාව 20ක්

GreyScan නැමති මෙල්බර්න් සමාගමක් විසින් ලොව ප්‍රථම වරට හුස්ම ගැනීම උපයෝගී කරගෙන සිදු කෙරෙන කොරෝනා පරීක්‍ෂණයක් (Breath Test) පිළිබඳ වාර්තා වේ. එය ඕස්ට්‍රේලියාවට තම දේශසීමා නැවත විවෘත කිරීමට උදව් කළ හැකි බව එම සමාගම​ පවසයි. මෙමඟින් ප්‍රතිඵල විනාඩියක් ඇතුළත ලබා දෙන අතර පුද්ගලයෙකු කෙතරම් ආසාදිතද යන්න පවා පෙන්විය හැකිය. මෙහිදී මූලික වශයෙන්, මිනිසුන්ට හුස්ම ගැනීමේ යන්ත්‍රයකට තම ආශ්වාස ප්‍රාශ්වාස වායූන් පිරවිය​ යුතු අතර එමඟින් කොරෝනා හෝ වෙනත් වෛරස් තිබේද යන්න සහ ඒවා කෙතරම් ප්‍රමාණයන් ගෙන්