වැටුප් ඉහළ දැමීමට ෆෙඩරල් රජයේ අවධානය

ජීවන වියදම් අර්බුධයත් සමඟ පීඩා විදින කම්කරු ජනතාවගේ වැටුප් ඉහළ දැමීමට ෆෙඩරල් රජයේ අවධානය යොමුව තිබෙනවා.

ඔම්බුට්මන් කාර්යාලය ලබා දුන් නිර්දේශ මත පිහිටුවමින් අඩු ආදායම් ලබන කම්කරු ප්‍රජාවට අවශ්‍ය සහන සැලසීමට ෆෙඩරල් රජය එකඟ වී ඇති බවයි වාර්තා වන්නේ.

ඒ අනුව ඉදිරියේ දී කම්කරු රැකියාවල පැයක අවම වැටුප ඩොලර් 23.23ක් වනු ඇති.

රජය විසින් හඳුන්වා දුන් තුන්වන අදියරේ බදු කප්පාදු ක්‍රමය ජූලි මස සිට ක්‍රියාත්මකවීම නියමිත අතර එමඟින් විශේෂ සහන රැසක් අඩු ආදායම්ලාභි කම්කරු ප්‍රජාවට හිමිවන බව ද සඳහන්.

ඔම්බුට්ස්මන් කාර්යාලය පෙන්වා දෙන්නේ ඔස්ට්‍රේලියානුවන්ගෙන් මිලියන 2.5ක ජනතාවක් මෙලෙස නියමිත වැටුපට වඩා අඩුවෙන් ලබා ගන්නා බවයි

වර්තමනායේ උද්ධමන අගය රට තුළ අඩුවීමක් පෙන්නුම් කරන අතර එමඟින් අඩු ආදායම් ලබන ජනතාවට වාසි අත්කරදීම රජයේ වගකීම බව ද ඔම්බුට්ස්මන් කාර්යාලය නිවේදනය කර තිබෙනවා.

කෙසේ වෙතත් ඔස්ට්‍රේලියානු සංචිත බැංකුව අනාවැකි පළ කර ඇත්තේ 2025 වසරේ දී උද්ධමනය සියයට 2 සිට 3 දක්වා ආපසු පැමිණෙනු ඇතැයි අපේක්ෂා කරන නමුත් ඉදිරි වසර තුළ වැටුප් වර්ධනයේ මන්දගාමිත්වයක් ද පුරෝකථනය කරන බවයි.

රටවල් කිහිපයක සිටින ඔස්ට්‍රේලියා පුරවැසියන්ට විශේෂ දැනුම්දීමක්

ඉරානය, ඊශ්‍රායලය සහ පලස්තීනයේ ගැටුම් පවතින ප්‍රදේශවල සිටින ඔස්ට්‍රේලියානුවන්ට රජය විසින් ආරක්‍ෂිත උපදෙස් නිකුත් කර තිබෙනවා.

Read More »

ඉරානයේ ප්‍රහාරයට ඊශ්‍රායලයෙන් ප්‍රති ප්‍රහාරයක්

ඉරානයේ න්‍යෂ්ටික බලාගාර කිහිපයක්ම ඇති නගරයකට ඊශ්‍රායලය විසින් මිසයිල ප්‍රහාරයක් එල්ලකර ඇති බව විදෙස් මාධ්‍ය වාර්තා කර තිබෙනවා.

Read More »

රුසියාවේ ආක්‍රමණයට එරෙහිව ඔස්ට්‍රේලියාවෙන් යුක්රේනයට සහනයක්

රුසියාව විසින් යුක්‍රේනය ආක්‍රමණය කිරීමට විරෝධය දැක්වීමේ පියවරක් ලෙස ඔස්ට්‍රේලියානු රජය යුක්රේන භාණ්ඩ සඳහා තීරු බදු සහන දීර්ඝ කිරීමට තීරණය කර තිබෙනවා.

Read More »