ඔස්ට්‍රේලියාවේ කොරල් පර විනාශ වීමේ අවදානමක් මතුව ඇති බවයි, සයන්ස් ඔෆ් ද ටෝට්ල් එන්වයරමන්ට් ජර්නලය පෙන්වා දෙන්නේ.
ඒ නවතම අධ්‍යයනයකදී හඳුනාගත් කරුණු කිහිපයක් මත බව සඳහන්.
කොරල් පර සහ දූපත් විනාශවීම පිලිබඳව දිගු කාලීන අධ්‍යයනයක් සිදුකළ බවයි, සිඩ්නි විශ්ව විද්‍යාලයේ ආචාර්ය තෝමස් ෆෙලෝස් පවසන්නේ.
එහිදී හෙළිව ඇත්තේ කාලගුණ විපර්යාස නිසා ඇතිවූ උෂ්ණත්ව වැඩිවීම් හා මුහුදු මට්ටම ඉහළ යාම, කොරල් විනාශ වීමට ප්‍රධාන සාධක වී ඇති බවයි.
ඛණිජ ඉන්ධන භාවිතය ද කොරල් පද්ධති විනාශ වීමට හේතුවී තිබෙන බවයි අධ්‍යයන වාර්තාවේ දැක්වෙන්නේ.
ඔස්ට්‍රේලියාවේ මහා බාධක කොරල් පරය විනාශ වීමට ද කාලගුණ විපර්යාස හේතුවී තිබුණා.
ඔස්ට්‍රේලියාව ආශ්‍රිත කිසිදු කොරල් පද්ධතියක් ආරක්ෂිත නැතැයි පෙන්වාදෙන ආචාර්යවරයා කියාසිටින්නේ, ජලජ සතුන්ගෙන් සියයට 25 ක් පමණ ඔවුන්ගේ ජීවන කාලයෙන් යම් කොටසක් කොරල් පද්ධති ආශ්‍රිතව දිවි ගෙවන බවයි.
කොරල් විනාශවීම එම සතුන්ට ද හානිදායක බවයි සඳහන් වෙන්නේ.
