ඔස්ට්‍රේලියානුවන් මුදල් ගෙවා ලබාගත යුතු streaming සේවා සඳහා සිදුකරන වියදම් සැළකිය යුතු අගයකින් කපා හැර ඇති බව නවතම සමීක්ෂණයකින් හෙළිව තිබෙනවා.
ඉහළ ජීවන වියදම හමුවේ ජනතාව විනෝදාස්වාදය සදහා සිදුකෙරෙන වියදම් කපා හැරීම්වලට සමගාමීවයි එය සිදුකර ඇත්තේ.
නෙට්ෆ්ලික්ස් වැනි සේවා සඳහා වැයකරන සාමාන්‍ය මාසික වියදම ඩොලර් 62 සිට ඩොලර් 57 දක්වා පහත වැටී තිබීම විශේෂත්වයක්.
තරුණ – වැඩිහිටි මෙන්ම වයෝවෘද්ධ යන සියලු වයස් කාණ්ඩ මේ වනවිට මුදල් ගෙවිය යුතු නොමැති සේවා වෙත නැඹුරුවීම ඉහළ ගොස් ඇති බව සඳහන්.
2023 ට සාපේක්ෂව පසුගිය වසරවල එලෙස විනෝදාස්වාදය සඳහා සිදුකල වියදම් සියයට 45 කින් පමණ ඉහළ ගොස් තිබුණා.
ඉහළ යන ජීවන වියදම හමුවේ අදාල සේවා කප්පාදු කිරීමට සියලූ වයස් කාණ්ඩ සුදානම්ව සිටින බව හඳුනාගෙන තිබෙනවා.
ඩිජිටල් විනෝදාස්වාද සේවාවන්ගෙන් පිටත සගරා, පුවත්, සංගීත සහ ක්‍රීඩා වැනි අංශ වෙත ජනතාව යොමුවීමේ ප්‍රවණතාවයක් පෙන්නුම් කරන බවයි වාර්තා වන්නේ.
