එළඹෙන උත්සව සමයට සමගාමීව බැටළු මස් ආශ්‍රිත නිශ්පාදන මිළ සියයට 20 කින් පහළ දැමීමට වූල්වර්ත්ස් සුපිරි වෙළඳසැල් පාලනාධිකාරිය පියවර ගෙන තිබෙනවා.
ඒ අනුව බැටළු මස් ආශ්‍රිත නිෂ්පාදන 26 ක මිල ගණන් අඩුකර ඇති අතර බැටලූ මස් කිලෝවක මිල ඩොලර් 8 ක් දක්වා පහළ දමා ඇති බව සඳහන්.
මිල ගණන් පහළ යෑම හමුවේ පාරිභෝගිකයින් හට වැඩි වාසි අත්වුව ද තමන් දැඩි පීඩාවට පත්ව සිටින බවයි බැටලූ මස් නිෂ්පාදකයන් සඳහන් කර ඇත්තේ.
මෙ තත්වය මත ගොවීන්ගේ ගැටලූ සම්බන්ධයෙන් වෙළඳසැල් හිමියන් අවධානය නොකරන බවටයි ගොවීන් චෝදනා නගන්නේ.
ඔස්ට්‍රේලියානු මස් කර්මාන්ත කවුන්සිලයේ ප්‍රධාන විධායක පැට්‍රික් හචින්සන් සඳහන් කර ඇත්තේ ඉදිරියේදී සුපිරි වෙළඳසැල් වලට සාපේක්ෂව අනෙක් වෙළඳසැල් වල බැටලූ මස් ආශ්‍රිත නිශ්පාදන මිල ගණන්වලද පහතයාමක් අපේක්ෂා කරන බවයි.
පාරිභෝගිකයින් බැටලූ මස් සඳහා ගෙවන මුදලට සාපේක්ෂව ඉතා අවම අගයක් සත්ව නිශ්පාදකයින් වෙත ලැබීම සම්බන්ධයෙන් ගොවීන් කණගාටුවට පත්ව තිබුණා.
