ප්‍රමිතියෙන් බාල ආහාර ලබාදෙන aged care මධ්‍යස්ථාන පිළිබඳ පැමිණිලි කිරීමේ නව ක්‍රමවේදයක් හඳුන්වාදීමට ෆෙඩරල් රජය සුදානම් වනවා.
ඒ සඳහා ඩොලර් මිලියන 13 ක මුදලක් වෙන් කර ඇති බවයි විශය භාර ඇමතිනී අනිකා වෙල්ස් සඳහන් කලේ.
මේ යටතේ aged care නේවාසිකයන්ට ලබාදෙන ආහාර පිළිබඳ පැමිණිලි හෝ උපදෙස් ලබාගැනීම සඳහා නව ක්ෂණික ඇමතුම් අංකයක්ද මේ මාසයේදී හඳුන්වා දෙනු ඇති.
ආහාර වේල් 500 ක් පරීක්ෂා කිරීම මෙන්ම ස්ථානීය පරීක්ෂා 700 ක් සිදු කිරීමද තවත් සැළසුමක්.
aged care සේවකයන්ට ඉතිහාසයේ විශාලම වැටුප් වැඩිවීම මෙවර අයවැයෙන් යෝජනා කෙරුණා.
ඊට සමගාමීව aged care නේවාසිකයන්ට හිමිවන සැළකිල්ලද ඉහළ යා යුතු බවයි ෆෙඩරල් රජය අවධාරණය කරන්නේ.
