Robodebt (රොබෝ ඩෙබ්ට්) කොමිෂන් වාර්තාව හරහා අයුතු දේශපාලන වාසියක් ලබාගැනීමට අගමැති ඇන්තනී ඇල්බනීස් උත්සාහ දරන බවට විපක්ෂ නායක පීටර් ඩට්න් චෝදනා කරනවා.
අදාළ ණය පහසුකම් වැඩපිලිවෙලේදී අපහසුතාවයට පත් ජනතාවට කණගාටුව පළකරන බවයි ඔහු සඳහන් කලේ.
2015 වසරේදී සිදුකල උපරිම ණය සීමා ඉහළ දැමීමේදී එවක සමාජ සේවා අමාත්‍ය මෙන්ම පසුකාලීන අගමැතිවරයාද වූ ස්කොට් මොරිසන් විසින් සිය වගකීම පැහැර හැර ඇති බවට ඊයේ නිකුත් කෙරුණු අදාල කොමිෂන් වාර්තාවෙන් චෝදනා නගා තිබුණා.
2019 වසරේදී මෙම ක්‍රමය අසාර්ථක බවට එවක පැවති ලිබරල් සන්ධාන රජය විසින් පිළිගත් අතර අගමැති ලෙස කටයුතු කල ස්කොට් මොරිසන් විසින් ප්‍රසිද්ධියේ සමාව අයැද සිටියේ 2020 වසරේදීයි.
සුපර් ඇනයුෂන් වැනි සේවාවලට අදාළව ණය ආපසු ලබාගැනීමේදී දෝෂ සහගත අයුරින් කටයුතු කර ඇති බවට අනාවරණය වීමත් සමග අදාළ ණය හිමියන්ට එම අමතර මුදල් ආපසු ගෙවීමටද එහිදී පියවර ගැණුනා.
මෙම සිද්ධිය පදනම් කරගෙන පාර්ලිමේන්තුවෙන් ඉල්ලා අස්වීම හෝ නොවීම පිළිබඳ තීරණයක් ගත යුතු වන්නේ හිටපු අගමැති මොරිසන් විසින්ම බවයි වත්මන් අගමැති ඇන්තනී ඇල්බනීස් ඊයේ පැවති මාධ්‍ය හමුවකදී සඳහන් කලේ.
