බටහිර ඔස්ට්‍රේලියාවේ සෑම නිවසකටම ඩොලර් 400 ක විදුලි බිල් සහනයක් දීමට ප්‍රාන්ත රජය තීරණය කර තිබෙනවා.
ඩොලර් 200 බැගින් අවස්ථා 02 කදී එම සහනය පිරිනැමීමටයි ඊයේ ඉදිරිපත් කෙරුණු ප්‍රාන්ත රජයේ අයවැය ලේඛනයට ඇතුළත් වන්නේ.
මේ අනුව ජූලි-අගොස්තු මාසවලදී සහ නොවැම්බර්-දෙසැම්බර් මාසවලදී මෙම ගාස්තු සහනය ලබාදීමටයි නියමිතයි.
සුලු පරිමාණ ව්‍යාපාරික ස්ථාන සඳහා මෙවර බටහිර ඔස්ට්‍රේලියා ප්‍රාන්ත රජයේ අයවැයෙන් ඩොලර් 650 ක ගාස්තු සහනයක් යෝජනා වී තිබෙනවා.
ඊයේ ඉදිරිපත් කෙරුණු බටහිර ඔස්ට්‍රේලියා ප්‍රාන්ත රජයේ අයවැය ලේඛනය අනුව වියදමට වඩා ඩොලර් බිලියන 4.2 ක ආදායම් අතිරික්තයක් ඉදිරි මූල්‍ය වර්ෂයේදී පුරෝකථනය කර තිබිමද විශේෂත්වයක්.
