රථවාහන වැරදි සිදුකරන රියදුරන් හඳුනාගැනීමට වික්ටෝරියා ප්‍රාන්තය පුරා නව කැමරා ස්ථාපිත කර තිබෙනවා.
ආසන පටි නොපැළඳීම සහ දුරකථන භාවිත කරමින් රිය පැදවීම කෙරෙහි එහිදී වැඩි අවධානයක් යොමු කිරීමට නියමිතයි.
මෙම නව කැමරා මගින් ඕනෑම කාළගුණ තත්වයකදී පැහැදිලි ඡායාරූප ලබාගැනීමට හැකියාව පැවතීම විශේෂත්වයක්.
මෙම මාසය තුළදී ක්‍රියාත්මක වීම ආරම්භ කෙරුණද රියදුරන්ට දඩ පත්‍රිකා නිකුත් කිරීම ආරම්භ වන්නේ තවත් මාස 03 කට පසුව බවයි වික්ටෝරියා ප්‍රාන්ත පොලිසිය දන්වා සිටින්නේ.
දුරකථන භාවිත කරමින් රිය පැදවීමට ඩොලර් 555 ක දඩයක් සහ අප්‍රසාද ළකුණු 04 ක් නියම කෙරෙන අතර එය අධිකරණය හමුවට ගියහොත් ඩොලර් 1849 ක උපරිම දඩයක් නියම කල හැකියි.
ආසන පටි නොපැළඳීම සම්බන්ධයෙන් පැණවිය හැකි දඩ මුදල ඩොලර් 370 ක්.
මෙම කැමරා මගින් මාරක රිය අනතුරු සංඛ්‍යාව සියයට 95 කින් පමණ අඩු කරගැනීමට හැකිවනු ඇති බවයි වික්ටෝරියා ප්‍රාන්ත රජය අනාවැකි පළකරන්නේ.
