ඔස්ටේ්‍රලියාව තුළ තැපැල් ගාස්තු වැඩි කිරීම අද සිට බලාත්මකයි.
ඒ අනුව දේශීය සහ විදේශීය – ලිපි සහ පාර්සල් යන දෙවර්ගයේම ගාස්තු මෙන්ම මුදල් ඇණවුම් ගාස්තුද ඉහළ දැමෙනු ඇති.
දේශීය පාර්සල් ගාස්තු සියයට 4.5 කින් සහ විදේශීය පාර්සල් ගාස්තු සියයට 4.8 කින් වැඩි කර තිබෙනවා.
එනම් ග්‍රෑම් 500 ට අඩු පාර්සලයක් යැවීමේ ගාස්තුව ඩොලර් 9.30 සිට ඩොලර් 9.70 දක්වා ඉහළ යනු ඇති.
ග්‍රෑම් 500 ත් කිලෝ 01 ත් අතර මෙතෙක් පැවති ඩොලර් 12.70 ක ගාස්තුව ඩොලර් 13.25 දක්වා වැඩි වීමට නියමිතයි.
කිලෝ 01 ත් 03 ත් අතර පාර්සලයක් යැවීමේ නව ගාස්තුව ඩොලර් 16.65 ක් වන අතර කිලෝ 03 ත් 05 ත් අතර පාර්සලයක නව ගාස්තුව ඩොලර් 20.05 ක්.
වටිනාකම ඩොලර් 5000 ක උපරිමයකට යටත් වන මුදල් ඇණවුමක් යැවීමේ ගාස්තුව ඩොලර් 11 සිට 13 දක්වා අද සිට ඉහළ යනවා.
අද සිට ඉහළ දමා ඇති තැපැල් සහ පාර්සල් ගාස්තු සමස්ත ලේඛණය මෙතැනින්
